Bal di “Oscar”

Voi sâ hâristusesc dit tut suflitlu a armânilor ţi andrupăscu aistu proiect. Di itia a lor, filmu a nostru ahurhi s’acaţâ bană. Ună jgl’ioată ninti fu adrată. Pi 12 di avgustu ahurhim filmările. Ama ta s-putem ta s-bitisim filmu, avem ananghi şi di aoa şi ninti di andruparea a voastră. Macă vreţ s-ni andrupaţ, puteţ s-u fâţeţ multu lişor: yniţ la Balu di Oscar. Pistipsesc că faţi s-n hârsim ti aţea că deadun putem să scriem istorie:protlu filmu artistic armânescu, mărtirii că ninga bânăm. Pistipsesc că faţi ti noi tuţ aistă tin’ie!

S’nî videm cu ghini la Bal!

Toma Enache